Қарашаның 20-ы күні таңертең Алатау ауданы әкіміне келгендердің арасында Шаңырақ, Өжет, Әйгерім, Ақбұлақ, Красный Трудовик және басқа да елді мекендердің тұрғындары болды. Кейбіреулері өз баспаналары мен жер телімдерін заңсыз пайдаланып отыр деген сот шешіміне наразылығын білдіріп ашына сөйлесе, қалғандары солардың кебін кигісі келмейтіндерін айтады. Барлығының талап-тілегі - өз күштерімен тұрғызған баспаналары орналасқан азғантай жерді заңдастыру.
Алматының Алатау ауданындағы тұрып жатқан баспаналары мен жер телімдерін заңдастыруды талап еткен тұрғындар президентке ашық хат жазуды ұйғарды.
