Шығыс Украинадағы Авдеевка елді мекенінің атыс астында қалғанына бірнеше күн болды. Шабуыл салдарынан Авдеевка ішінара электр қуатынан ажырап, кей үйлер сусыз және жылусыз қалған, мобильдік байланыс нашарлаған.
Атыс астындағы Авдеевка
1
Авдеевка елді мекені Украинаның шығысындағы Донецк облысының орталығы, қазіргі кезде ресейшіл сепаратистер бақылауындағы Донецк қаласының солтүстік жағында орналасқан. Соңғы бірнеше күн бойы Авдеевканың төңірегінде қарулы шайқас үдеп кеткен.
2
Авдеевканың іргесінде артиллерия мен минометтерден атқылап жатыр.
3
Елді мекеннің көп бөлігінде электр жарығы жоқ, атыс салдарынан тұрғындар сусыз және жылусыз қалған.
4
5
Құтқарушылардың мәліметі бойынша, Авдеевкада суықтан тоңғандарға арналған 11 жылыту орны жұмыс істеп тұр.
6
Төтенше жағдайлар жөніндегі мемлекеттік қызметтің мәлімдеуінше, Авдеевкадан 77 адам, соның ішінде 58 бала эвакуацияланған.
7
Соңғы күндері болған қарулы шабуыл салдарынан Авдеевканы жылу және ыстық сумен қамтамасыз етіп тұрған кокс-химия зауыты және Кальмиус өзеніндегі сүзгі станциясын айтарлықтай зақым келген. Осы сүзгі станциясынан таза суды Донецк пен маңайындағы аудандарға жіберетін.
8
Авдеевка тұрғындары ыстық ас алу үшін кезекте тұр.
9
Ақпанның 1-і күні түс кезінде (Киев уақытымен) сепаратистер мен украиналық әскерилер "тыныштық режимі" туралы жаңа келісім жасады. Жергілікті энергетикалық компания қызметкерлері атыс салдарынан бүлінген электр желісін тыныштық орнап тұрғанда жөндеп, қайтадан іске қосуды жоспарлаған еді. Бірақ, арада бірнеше сағат өткенде Донецк облысы билігі оқ атпау келісімі бұзылып, электр желісін жөндеуге шыққан бригаданың оқ астында қалғаны туралы мәлімдеген.
10
11
Авдеевканы «Град» қаруынан атқылау және оларға украиналық әскерилердің жауап ретінде оқ атуы салдарынан бейбіт тұрғындар арасында қаза тапқандар мен жараланғандар бар екені хабарланды.
12
Жанжалға қатысушы тараптар бір-бірін "оқ атпау келісімін бұзып, бейбіт тұрғындарды өлтірді" деп айыптап жатыр.
13
Авдеевкада қазір күрделі жағдай қалыптасқан.
ПІКІРЛЕР