Ұлыбритания үкіметі осы елдің Солсбери қаласында тұрып келген бұрынғы ГРУ агенті Сергей Скрипаль мен қызы Юлия Скрипальге у беріп қастандық жасаған екі күдікті туралы мәлімет жариялап, оларды "ресейлік арнайы қызмет агенттері" деп сипаттады.
5 қыркүйекте парламентте сөйлеген Ұлыбритания премьер-министрі Тереза Мэй қастандық жасаушылардың Ресей билігінің тапсырмасын орындағанын айтты.
Ресми ақпаратқа сәйкес күдікті ресейлік азаматтардың аты-жөндері Александр Петров және Руслан Боширов. Полиция олардың жас шамасы 40-та екенін, жалған құжатпен келіп-кеткенін мәлімдеді. Тексеру мәліметіне сәйкес, 2 наурыз күні олар "Аэрофлот" рейсімен Лондондағы Гэтвик әуежайына ұшып келіп, Скрипальдар уланған 4 наурыз күні Ресейге қайтқан.
Скрипальге қастандық қалай жасалды?
1
Скрипальді улау ісі бойынша күдіктілердің бірі - Александр Петров.
2
Екінші күдікті - Руслан Боширов.
3
"Боширов" есімді күдікті Лондондағы Гэтвик әуежайында тұр. Бақылау камераларынан алынған кадр. Жұма, 2 наурыз, 16:22 (Лондон уақыты).
4
Ұлыбритания полициясы "Петров" деп атаған адам Гэтвик әуежайында. 2 наурыз, 16:22 (Лондон уақыты).
5
Күдіктілер Солсбери теміржол вокзалында Лондонға кететін пойызды күтіп тұр. Сенбі, 3 наурыз, 16:11.
6
Жексенбі, 4 наурыз, 11:48. Күдіктілер Солсбериге қайта келген сәт. Олар теміржол вокзалынан шығып барады.
7
Күдіктілер Солсберидегі Уилтон-роуд көшесінде тұр. Сергей мен Юлия Скрипальды улар алдындағы сәт. 4 наурыз, 11:58.
8
Күдіктілер Солсберидегі Фишертон көшесінен теміржол станциясына бара жатыр. 4 наурыз, 13:05.
9
Күдіктілер Солсберидегі Фишертон көшесінен теміржол станциясына бара жатыр. 4 наурыз, 13:08.
10
Күдіктілер Солсбериден Лондонға қайтып барады. 4 наурыз, 13:50.
11
Күдіктілер Лондондағы Хитроу әуежайында төлқұжат тексеруінен өтіп жатыр. 4 наурыз, 19:28.
12
Полиция күдіктілер қонған City Stay Hotel қонақ үйін тексеріп жатыр. 5 қыркүйек.
13
Полицияның мәліметіне сәйкес, "Новичок" уын екі күдікті Ресейден әтірдің құтысына құйып әкелген де, уды Скрипальдің Солсберидегі үйінің сыртқы есігінің тұтқасына жағып кеткен. Құтыны маусым айында көршілес Эймсбери қаласының тұрғыны Чарли Роули тауып алған. Ол аман қалса да, досы Дон Стерджесс уланып өлген.
14
Чарли Роули тауып алған Nina Ricci Premier Jour деген жазуы бар қорап. Полиция құтының наурыздан маусымға дейін қайда боғанын әлі анықтай алмаған. Сол себепті ресейлік екі күдіктіге Стерджесті өлтірді деген айып әзірше тағылмаған.