40 күн. Қаңтар құрбандарын еске алу

13 ақпанда Алматының Республика алаңында Қаңтар қырғыны құрбандарын еске алу шарасы өтті. Бұдан бір айдам астам уақыт бұрын осы алаңда жаппай бейбіт шерудің соңы қантөгіске ұласқан еді. Шарада сөйлеген адамдар қаңтарда үкіметке талабын айтып, бейбіт митингіге шыққан азаматтардың ажалына кінәлілерді, сонымен бірге қазір ешқандай айғақ-дәлелсіз тергеу абақтыларында отырған азаматтарды босатуды, оларды азаптауға қатысы бар қызметкерлерді анықтап, жауапқа тартуды талап етті.