Қаңтар көтерілісінде алаңда ту көтеріп жүрген видеодағы азаматты көпшілік 40 жастағы белсенді Берік Әбішевке ұқсатты. Туыстары да солай дейді. Ол бұрын да билікке қарсы акцияларға шығып жүрген. Берік 6 қаңтарда алаңда бейбіт митингіде тұрған. Басына оқ тиіп, комаға түскен. Қазір оянған, бірақ сөйлей алмайды, құлағы естімейді. Азаттық белсендінің анасымен тілдесті.