Апатты үй тұрғындарының наразылығы

Павлодардағы Алюминстрой шағын ауданы тұрғындары қала билігімен өткен соңғы кездесу нәтижесіне наразы. Олардың сөзінше, апатты деп танылған баспаналары үшін жаңа пәтер берудің орнына, билік екінші деңгейдегі жылжымайтын мүлік нарығынан баспана сатып алуға бес миллион теңге көлемінде ақшалай өтемақы ұсынған. Жұрт «бұл ақша бір бөлмелі пәтер сатып алуға ғана жетеді» дейді.