30 сәуірде Қазақстан парламентінің жоғарғы палатасы құқық қорғаушылар, белсенділер мен халықаралық ұйымдардың сынына қарамастан «Бейбіт жиындар туралы» заң жобасын бірінші оқылымда бірауыздан мақұлдады. Сенат құжатты қарар тұста билік әзірлеген заң жобасын негізгі сынаушылардың бірі, құқық қорғаушы Евгений Жовтисті қаралаған жазба көбейді. Жовтис желідегі шабуыл артында билік тұрғанына шәк келтірмейді.