Жанболат Мамайдың саяси жолы

Алматының Медеу аудандық соты оппозициялық белсенді, журналист Жанболат Мамайдың бас бостандығын үш жылға шектеп, дүние-мүлкін тәркілеу және үш жыл журналистік қызметпен айналысу құқығынан айыру туралы үкім шығарды. Қуғындағы оппозициялық тұлға Мұхтар Әблязов "жымқырған" қаражаттың бір бөлігінің "ізін жасырды" деген айыппен сотқа тартылған 29 жастағы Жанболат Мамайдың өзі және кей қоғам белсенділері оның үстінен қозғалған қылмыстық істің саяси астары бар деп санайды. Билікті сынайтын мақалаларымен танылған Мамай соттағы соңғы сөзінде журналист қызметін 2008 жылы тәуелсіз басылымнан бастағаны туралы мәлімдеді.