Қазақстанда 26 миллион ұялы телефонның 14 миллионы тіркелген. Бұл туралы мәжілісте өткен үкімет сағатында айтылды. Былтыр жыл аяғында қабылданған байланыс және БАҚ туралы заңнамаға өзгерістер бойынша, 2019 жылдан бастап барлық ұялы телефондардың IMEI кодтары иелерінің атына тіркелуі тиіс. Ақпарат және байланыс министрі Дәурен Абаев "тіркелу құзырлы органдарға азаматтарды аңдуға жол ашпайды" деп cендіреді.