Алматыдағы 28 панфиловшылар саябағында совет-ауған соғысы ардагерлерінің бір тобы «Жұлдыздар отбасы - Аңыз адам» журналын жауапқа тартуды талап етіп, басылым санын өртеді. Қазақ тілінде шығатын, 25 мың данамен тарайтын журнал сәуір айындағы санында Адольф Гитлер туралы қарама-қайшы мақалалар жариялаған соң дауға қалған еді. Байланыс және ақпарат агенттігі журналдағы мақалалар мазмұнында Қылмыстық кодекстің «Әлеуметтiк, ұлттық, рулық, нәсiлдiк немесе дiни араздықты қоздыру» деп аталатын 164-бабында көрсетілген «қылмыс белгілері» бар деп санайды. 21 сәуір 2014 жыл.