Путин: НАТО әскери күштерінің Ресей шекарасына жақын аумақта шоғырлануы қауіп төндіреді
"Технология, соның ішінде әскери технология жылдам өзгеріп жатыр. Бұл саладағы жетекшілік бір қолдан екінші қолға өтіп жатыр, өте береді де. Ал шекарамызға жақын аумақты әскери игеруге келсек, егер біз бұған жол берсек, онда олар ондаған жылға, бәлкім мәңгілікке сонда қалып қояды. Сөйтіп Ресейге әрдайым қауіп төндіріп тұрады, – деді Путин бейсенбі, 24 ақпан күнгі телеүндеуінде. – 2021 жылдың желтоқсанында біз АҚШ-пен және оның одақтастарымен Еуропадағы қауіпсіздік және НАТО-ның ұлғаймауы туралы келіссөз жүргізуге тағы да бір талпынып көрдік. Одан ештеңе шықпады".
БҰҰ бас хатшысы Антониу Гутерриш: "Президент Путин, адамзат үшін әскеріңді әкет!"
НАТО бас хатшысы Ресейдің Украинаға шабуылын айыптады
НАТО бас хатшысы Йенс Столтенберг Ресейдің Украинаға қатысты әрекетін айыптады.
"Ресейдің Украинаға қиянатшыл шабуылын түбегейлі айыптаймын. Шабуыл өте көп адамның өмірін қауіпке тігеді" деп жазылған Столтенберг мәлімдемесінде.
"Бұл халықаралық құқықты өрескел бұзу, Еуроатлантикалық қауіпсіздікке төнген қатер. Ресейді тез арада әскери қимылын доғарып, Украинаның егемендігі мен территориялық тұтастығын сақтауға шақырамын" деді Столтенберг.
Оның айтуынша, НАТО одақтастары жақын арада жағдайды талқылайды.
Украина сыртқы істер министрі Дмитрий Кулеба:
"Путин Украинаға қарсы соғыс ашты. Украинаның бейбіт қалаларына шабуыл жалғасуда. Бұл – жаулап алу соғысы. Украина қорғанады және жеңіп шығады. Әлем Путинді тоқтата алады, тоқтатуы тиіс те. Әрекетке дәл қазір кірісу керек".
ПІКІРЛЕР