Байден Украинаға $600 млн көлемінде көмек береді. Президенттің АҚШ мемлекеттік хатшысына берген тапсырмасында 350 миллион доллары әскери қажеттілікке бағытталатыны жазылған. Бастапқыда қаржы бөлу мәселесін Конгресс арқылы шешу жоспарланған, алайда артынша Ақ үй бірден бөлуді ұйғарған.
Украинаның көптеген қалаларында сирена ойнатылды.
Түрлі арналар мен басылымдар 26 ақпан таңертең Украинаның көптеген қалаларында сирена ойнатылғанын хабарлады: шығыста – Харьков, орталықта – Винница мен Умань, батыста Луцк мен Львов және өзге өңірлер.
Киевтің түрлі аудандарында шайқас жалғасып жатыр. "Украинская правда" басылымы жариялаған видеода автоматтар дыбысы естіледі. Видео Киев орталығындағы Богдан Хмельницкий көшесінде түсірілген деп айтылады.
Украина ақпарат құралдарының жазуынша, Киевтен 30 шақырым жердегі Васильков қаласына Ресей десанттары түскен. Шайқас жалғасып жатыр.
Украина билігі Киевтегі Победа даңғылында әскери бөлімге шабуыл жасаған қарсылас тарапқа тойтарыс берілгенін хабарлады. Киевтің өзге аудандарында да жарылыс пен атыс болып жатқаны хабарланды.
ПІКІРЛЕР