Ресми мәлімет бойынша, 240 адам жараланып, 300 наразы қамауға алынған. Белсенділер полиция басшысының отставкасы мен ұсталғандарды босатуды талап етеді. 3 шілде күні Тбилисидегі парламент үйі алдында 15-рет өткен наразылық акциясына Азаттық тілшісі де қатысқан.
Грузиядағы митинг - Азаттық тілшісінің объективінде
Тбилисиде үш аптадан бері Грузия ішкі істер министрі Георгий Гахарияның отставкаға кетуін талап еткен митинг өтіп жатыр. 20 маусымда Ресей думасының депутаты Сергей Гавриловтың Грузия парламенті спикерінің орнына отырып, орысша сөйлегеніне оппозиция наразылық білдірген. Шота Руставели даңғылына шыққан шерушілерге полиция резеңке оқ атып, жас ағызатын газ шашқан.
1
Митингті ұйымдастырушылардың бірі белсенді Шота Дигиашвили 20 маусымдағы наразылық кезінде күш қолданған полиция әрекетін айыптай сөйлеп тұр. Тбилиси, 3 шілде 2019 жыл.
2
Танкистің киімін киген азамат грузин тілінде "Гахария, бүгін - менің туған күнім. Отставкаға кетші. Сыйлығың болсын" деген жазуы бар плакат ұстап тұр. Тбилиси, 3 шілде 2019 жыл.
3
Митингіге келген қарт кісі парламент баспалдағынан орын іздеп жатыр. Тбилиси, 3 шілде 2019 жыл.
4
Наразылықты түсіріп тұрған журналистер. Тбилиси, 3 шілде 2019 жыл.
5
Қолына грузин тілінде "Демократия әліппесі. Ресей - басқыншы" деген жазу бар кітапша ұстап тұрған наразы азамат. Тбилиси, 3 шілде 2019 жыл.
6
Грузия туын жамылған наразы. Тбилиси, 3 шілде 2019 жыл.
7
Митингіге келген наразылар. Тбилиси, 3 шілде 2019 жыл.
8
Полиция өкілдері наразы топты алыстан бақылап тұр. Тбилиси, 3 шілде 2019 жыл.
ПІКІРЛЕР