Станцияда сұйық газ құйып жатқан кезде жарылыс орын алған. Мұнан соң өрт жалыны май құю станциясына жақын жердегі ғимараттарды шарпыған. Өрт алған станцияға таяу тұрған мейрамхананың той залында адам толы болған.
Түркияның денсаулық сақтау министрі Ресен Ақдақ журналистерге 11 адам түрлі жарақат алып, күйікке шалынды, қаза болғандар жоқ деп айтқан. Өрт сөндірушілер тілсіз жаумен күресіп жатқан кезде-ақ Түркия үкіметінің басшысы Режеп Тайып Ердоған оқиша болған жерге келіп, апат салдарын көзімен көрген.
