БАКУ: Еуропадағы қауіпсіздік және ынтымақтастық ұйымы Әзірбайжанда журналистерге шабуыл жасалған оқиғалардың тым жиілеп кетуіне байланысты алаңдаушылық білдіруде. Еуропалық ұйымның Бакудегі миссиясының жетекшісі Петер Буркхард атап көрсеткендей, шабуылдардың басым көпшілігі рұқсат берілмеген митингілер мен шерулердің кезінде жасалған. Еуропалық ұйым, сондай-ақ, Әзірбайжанда тәуелсіз баспасөзді қудалау науқаны басталып, журналистердің ақпарат алу мүмкіндігінің шектелгенін атап көрсетуде. Үстіміздегі жылдың 15-інші қазанында Әзірбайжанда президент сайлауы өтеді.