КАБУЛ: Ауғанстанның сыртқы істер министрі Әли Ахмад Джалали Исламабадта екі ел арасындағы шекаралық жанжал жөнінде келіссөздер өткізу үшін, бүгін Пәкістанға жол жүреді. Пәкістан әскерінің Ауғанстан жеріне басып кіріпті-мыс деген ақпар Кабул мен басқа Ауғанстан қалаларында жаппай наразылық шеруін туғызды. Екі жақты қақтығыс екі ел арасындағы шекара бойында “Әл-Қаида” террористік ұйымы мен талибан жасақтарына қарсы іс-қимылға көшкен кезде шықты.
