Ауғанстан жетекшісі Хамид Қарзай елдің аумағында шетелдік банктердің ашылуы туралы заңды бекітті. Бейсенбіден бастап банк операцияларын жүргізуге британдық Стандард Чартед, Пәкістанның Ұлттық банкі және Аға Хан қорының банкі лицензия алады. Ауғанстан президенті Хамид Қарзай шетелдерде тұрып жатқан қандастарын өз қаражаттарын Ауғанстанға бағыттауға шақырды.
