АЛМАТЫ: Қазақстанның ұлттық валютасы – теңгенің АҚШ долларына шаққандағы бағамы соңғы 3 жылда алғаш рет 144 теңгеден төмен түсіп, 1 АҚШ доллары 143,93 теңгені құрады. Қазақстанның қор биржасынан Қазақстан тудэй агенттігіне хабарланғандай, теңгенің дәл осындай бағамы 2000 жылдың қарашасында тіркелген. Қаржы сарапшыларының пікірінше, теңге бағамының нығаюына - әлемдегі мұнай бағасының ең биік дәрежесіне жетіп, елге валютаның көптеп түсуі ықпал етуде.
