ТРИПОЛИ: Ядролық қару жасаудың Ливиялық бағдарламасын жоюдың халықаралық миссиясына атсалысу мақсатымен АҚШ сарапшыларының тобы Триполиге табан тіреді. АҚШ-тың мемлекеттік хатшысы К.Пауэлдің мәлімдеуінше, МАГАТЭ және британдық әріптестерімен бірге АҚШ мамандары Ливияда нені және қалай жою қажеттігін айқындайтын болады. Вашингтон және Лондон Триполимен 9 ай бойы астыртын келіссөздер жүргізіп, нәтижесінде өткен желтоқсан айында Дж.Буш пен Т.Блэр Ливияның ядролық қаруын жою жөнінде Триполимен келісімге келгендерін жариялады.
