МАДРИД: Испанияның жаңа премьер-министрі Хосе Луис Родригес Сапатеро Еуропа Одағын терроризмге қарсы соғыстың жаңа стратегиясын жасауға шақырды. “Эль Паис” газетінің бүгінгі санындағы сұхбатында ол, атап айтқанда, еуропалық қауіпсіздік қызметтерінің үйлесімді жұмыс атқаруын күшейту қажеттігін нұсқады. Испан премьер-министрі терроризмге қарсы күрес мәселесін ЕуроОдақтың 25-26 наурызға жоспарланған бас қосуының бірінші кезектегі міндеті деп атады.
