ВАШИНГТОН: Орталық Еуропаның 7 мемлекеті НАТО-ға мүше болып қабылданды. Осыған байланысты Вашингтонда Ақ үйде кеше болған салтанатты рәсімде АҚШ президенті Дж.Буш Эстония, Латвия, Литва, Румыния, Болгария, Словения және Словакияның премьер-министрлеріне ыстық лебізін білдірді.
“НАТО-ның іргесінде жаңа 7 байрақ желбіреп, оның шекарасы Бискай шығанағынан Қара теңізге дейін кеңейді. Ал бір кезде ғаламдық жанжалдың көзі болған Еуропа, енді, тұрақтылық пен бейбітшіліктің күшіне айналды” деп атап көрсетті АҚШ президенті өз сөзінде.
