Сауд Арабиясының маусым айында мұнай өндірісінің көлемін күніне 800 мың баррельге дейін өсіруге кепілдік беруіне қарамастан, мұнай шикізатының бағасы Нью-Йорктің тауар биржасында бұрын-соңды болмаған шыңына жетті – 1 баррель мұнай 41 доллар 72 цент болды. АҚШ-тың энергетика министрлігі хабарлағандай, елдегі 1 литр жанар майдың бағасы орта есеппен 54.5 центке өсті. Кеше Амстердамда мұнай экспорттаушы елдердің ОПЕК ұйымы өндіріс көлемін ұлғайту мәселесін шешуді 3 маусымға қалдырды.
