Грузия үкіметі Оңтүстік Осетияға ішкі істер министрлігінің әскери бөлімдерін енгізіп, әскер 1 сағаттан кейін қайта шығарылды. Грузия өкілі генерал Ираклий Окруашвилидің түсіндіруінше, үкіметтің әлгі шешімі Ресейдің бітімгершілік күштерінің Гори ауданына қарасты Тквиави елді-мекеніндегі грузиндердің күзет посттарын бұзбақ болған әрекетінен туған. Грузияның қауіпсіздік кеңесінің хатшысы Вано Мерабишвили ішкі істер әскері Оңтүстік Осетиядан ресейлік күштер басшылығының күзет посттары қалады деп хабарлауынан кейін шығарылды деп түсіндірді.
