Иранның әскери шенеунігінің айтуынша, судағы шекараны бұзып, Иран территориясына заңсыз өтті деп айыпталып, ұсталған британдық сегіз теңіз әскері жақын күндері босатылады.

Бұндай хабарды кеше Тегеранда Иран қарулы күштерінің орталық штабының мүшесі Али Реза Афшар айтқан. Ал британ теңізшілері арғы күні ұсталған болатын. Британдық теңізшілер Иран суларына қателесіп өтіп кеткендіктерін айтып, кешірім сұраған.