Билікке Аугусто Пиночет келген әскери төңкерістің 31 жылдығына байланысты Чилиде болған жаппай наразылық шеруі кезінде 3 кісі оқтан жараланып, 200-ден асқан адам тұтқындалды. Наразылық шерулері Сантьяго мен басқа қалаларда болып өтті. Шерушілер баррикадалар тұрғызып, дүкендер мен полицияны таспен атқылады. Генерал Пиночет билік басында 1973 жылдан 1990 жылға дейін дерлік отырды. Қазір одан сотқа деген иммуниеті алынып, диктатура кезіндегі қылмыстары үшін тергеу басталуы мүмкін.
