Еуропа Кеңесі Чешенстандағы адам құқықтарының ахуалын жақсартуға шақыратын Қарарының жобасын дайындап қойды. Осы құжат авторларының бірі Тадеуш Ивинский: “терроризмнің тамырын жою үшін Ресей үкіметі, ең алдымен, оның әлеуметтік негізін жоюға тиіс”, -деп атап көрсетті. Сонымен бірге Т.Ивинский Чешенстандағы соғыс қимылдары кезінде баспанасынан айрылған 11 мың отбасына өтемақы төлеу жөніндегі Мәскеудің шешіміне оң баға берді. Қарардың жобасы Еуропа Кеңесінің қазан айында өтетін Парламенттік Ассамблеясында талданбақшы.
