Иранның бірінші вице-президенті Мохаммад Реза Ариф бүгін 2 күндік ресми сапармен Қырғызстанға келуге тиіс. Сапар барысында ол қырғыз президенті А.Ақаевпен, премьер-министр Н.Танаевпен және қырғыз парламенті палаталарының 2 төрағасымен кездесіп, екі ел арасындағы саяси, сауда-экономикалық және мәдени қарым-қатынастарды дамыту мәселесін талдайды деп жоспарлануда. Ең басты назар – Қырғызстандағы шағын су электр стансаларын қайта жөндеуге Иран инвестицияларын тарту тақырыбына арналатын сияқты.
