Атом энергиясы бойынша халықаралық агенттік – МАГАТЭ-нің бас директоры Мухаммад Әл-Баради кеше Би-Би-Си агенттігіне берген сұхбатында Иранның уранды байыту өндірісін тоқтатуға уәде беруін “оң қадам” деп бағалады. Ұлы Британия, Германия және Франциямен арада қол жеткен келісіміне сәйкес, Теһран уранды байыту өндірісін күні кеше тоқтатуға міндеттенген болатын. М.Әл-Баради Иранның ядролық қару жасауды мақсат еткен астыртын бағдарламасының жоқтығына көз жеткізу үшін әлі көп жұмыс атқару керек болатынын атап көрсетті.
