ГААГА. Әскери қылмыстар бойынша Халықаралық трибунал бүгін босниялық серб генералдары Радивои Милетич пен Милан Гвероға қарсы әскери және адамзатқа қарсы қылмыстар жасағаны туралы айып шығарды. Милетич – 1993-1995 жыл аралығында Босниядағы ұлтаралық жанжал кезінде босниялық серб армиясының бас қолбасшысы болған. Оған, Гверомен екеуіне – 1995 жылы Сребреница қаласында 7 мыңнан астам босниялық мұсылманды қырды деген айып тағылды. Халықаралық трибуналдың қолына өз ықтиярымен баруды ұйғарған Милан Гверо Гаагаға бүгін аттанды. Сербия үкіметі сот басталмай тұрып, Гаагадан Гвероны босатуды өтінбекші.
