Ливан парламенті өз отырысына үкімет өкілін шақырған болатын. Себебі, оппозициялық күштер ел үкіметіне сенімсіздік таныту жөнінде мәселе көтеріп отыр. Мұндай ұсыныс Ливанның бұрынғы үкімет басшысы Рафик Харири өлтірілгеннен кейін жасалған еді. Үкімет тарапынан қойылған тиымға қарамастан Бейрут көшелеріне Ливан туларын желбіретіп мыңдаған шеруші шықты. Олар елден Сирия әскерлерінің шығарылуын талап етті. Бейрут үкіметі мен Сирия елі Хариридің өлімі үшін жауапкершілікті өздеріне алудан бас тартуда.
