ТАШКЕНТ. НАТО одағының Орта Азия мен Кавказдағы арнайы өкілі Роберт Саймонс Ташкентке сапары барысында НАТО-ның Ауғанстандағы міндеттерінің арта түсуіне байланысты, Өзбекстанмен арадағы ынтымақтастығын кеңейтуге үміттенеді деп мәлімдеді. Оның атап көрсетуінше, Өзбекстанмен шекаралас орналасқан Ауғанстандағы тыныштықты нығатудың қажеттігі бар. Ауғанстандағы террористер мен Талибан қозғалысының қалдықтарына қарсы күресіп жатқан АҚШ-пен қатар НАТО да Өзбекстанның Ханабад әуе базасын пайдалануда. Р.Саймонс НАТО-ның Орта Азия мен Кавказдағы арнайы өкілі ретінде осы аймаққа жиі келіп тұратынын атап көрсетті.
