МАДРИД: Жексенбі күні Испанияның солтүстігіндегі Басктар елінде аймақтық парламент сайлауында ұстамды көзқарастағы Басктердің Ұлтшыл партиясы жеңіске жетті. Осы өлкенің премьер-министрі Хуан Хосе Ибаррече бастаған бұл партия Басктар елінің кең тәуелсіздік алуын көздейді. Сайлауда террористік ЭТА ұйымының өкілдері таяуда құрған “Баск жерінің коммунистік партиясы” күтпеген жерден екінші орын алды. Саяси сарапшылардың пікірінше, жеңіске жеткен ұлтшылдар өзара бірлескен үкімет жасақтап, Баск еліне іс жүзіндегі тәуелсіздік беру талабын қояды
