БАҒДАД. АҚШ әскері Ирақтың солтүстік-батысындағы Әл-Қайым қаласын қоршауға алды. Ирақтағы коалициялық күштер Әбу Мұсаб Әз-Зарқауи бастаған экстремистік топты жою мақсатындағы “Матадор” операциясын әрі қарай жалғастыру үстінде. Әскерилердің мәліметі бойынша, соңғы тәуліктерде экстремистерге жалданған 100-ден аса шетелдік лаңкестің көзі жойылды. АҚШ-тің теңіз әскерінің 9 жауынгері оққа ұшты. Ирақта қантөгіс толастамай, бүгін Бағдадта болған жарылыстарда 5 адам, тағы екеуі Баакуба қаласында қаза болды.
