АДДИС-АБЕБА. Бүгін АҚШ Суданның азамат соғысынан қираған Дарфур өлкесіндегі тыныштықты қорғауға қосымша 50 млн. доллар қаржы бөлуге міндеттенді. Ол жөнінде бүгін қаржылай демеуші елдердің Африка елдері одағы мен БҰҰ-ының ұйымдастыруымен Эфиопия астанасы – Аддис-Абеба қаласында болып өткен халықаралық конференциясында жарияланды. АҚШ-тың Судандағы ресми өкілі Чарльз Снайдердің өз сөзімен айтқанда, бұл қаржы Судандағы “геноцид саясатын” ауыздықтауға бөлінген 95 млн. доллар қаржыға қосымша бөлінеді.
