ВАШИНГТОН. Ирақтың сыртқы істер министрі Хошьяр Зибари Сирияны лаңкестердің шекарадан Ираққа емін-еркін өтуіне бөгет қоймай отыр деп сынға алды. Кеше Вашингтонда АҚШ-тың мемлекеттік хатшысы К.Райспен келіссөзінен кейін ол осындай пікірін білдірді. Х.Зибари, сонымен бірге, АҚШ пен өзге елдерді ең болмағанда Ирақтың қауіпсіздік күштері құрылып, жаңа Конституция дайын болғанша Ираққа қосымша көмек беруге шақырды. Өз кезегінде К.Райс Ирақ үкіметінің сүнниттерді конституциялық процеске тартпақ ниетіне ризалығын білдірді.
