Еуропа парламенті кеше Еуропа Одағының елдеріне қайырылып, Беларус үкіметіне қарсы әлдеқайда қатал шектеулерді қоюға шақырды. Еуропа парламенті кешегі отырысында Беларус президенті Александр Лукашенконың сөз бостандығына қарсы қимылдарына сөгіс айтып, тиісті қарар қабылдады. Беларуста журналистер заңсыз тұтқындалады, түрмеде оларға түрлі ауру жұқтырамыз деген үрей айтылады, журналистер із-түссіз жоғалып кетеді делінеді. Еуропа парламенті Беларустың бірқатар басшысын Еуропа Одағына кіргізбеуді, оларға виза бермеуді ұсынды. Беларус тәуелсіз журналистеріне қаржылай көмек көрсетілсін, оларға білім жетілдіру мүмкіндігі берілсін делінеді.
