БІШКЕК. Қырғызстанда өткен президент сайлауының ресми қорытындысы бүгін жарияланады. Орталық сайлау комиссиясының хабарлауынша, президент сайлауына түскен үміткер Құрманбек Бәкиев 90 пайызға жуық дауыс жинаған. Наурыз айының 25-інен бері Бәкиев Қырғызстанның уақытша үкіметіне жетекшілік етіп келген. Жексенбі күні өткен президент сайлауына 6 үміткер түсіп, Қырғызстан халқының 75 пайызы қатысқан.
