Британия полициясы 21 шілде күні Лондон қоғамдық көлігінде жасалмақ болған бомба шабуылдарының ісіне орай Лондонда тағы екі азаматты ұстадық деп мәлімдеді. Бомбаларды жармақшы болды деп негізінен төрт азамат күдіктеліп отыр. Іс бойынша осымен 20 адам тергеліп жатыр. 7 шілде күні жасалған алғашқы шабуылдарда 52 адам қаза тапқан. Ал 21 шілде күнгі шабуылдарда төрт бомба жарылмай қалды.