ТЕҺРАН. Иран өзінің ядролық өндірісін іске қосуды бірнеше күнге кейінге қалдырды. Еуроодақпен арадағы келіссөзге отырған Иран делегациясының жетекшісі Хассан Роухани Брюссель өзінің жаңа ұсыныстарын ұсынғанша, Теһран ядролық өндірісін жұма күнге дейін іске қоспай тоса тұруға дайын деп мәлімдеді. Оның айтуынша, ядролық ізденістер осы сенбі күні-ақ қайта жалғасуы мүмкін. Иран байтылған уран өндірісінен бас тартқан күнде Еуроодақ оған экономикалық көмек бермекші. Осы сәрсенбі күні Брюссель Иранмен арадағы келіссөз “өзінің шешуші сатысына” тақады деп хабарлады.
