ӘР-РИЯД. Сауд Арабиясының марқұм болған патшасы Фахдтың жақындарына көңіл айту мен таққа отырған жаңа патшаны құттықтау үшін АҚШ-тың вице-президенті Дик Чейни бүгін Әр-Риядқа ұшып келді. Саудияға Д.Чейни АҚШ-тың бұрынғы президенті үлкен Дж.Бушпен және АҚШ-тың бұрынғы мемлекеттік хатшысы Колин Пауэлмен бірге келді. Сауд Арабиясының жаңа патшасы, Фахдтың мұрагері Абдулла олардың құрметіне ас беруге тиіс. Әр-Рияд пен Вашингтонның дәстүрлі жылы қатынасы 2001 жылдың 11 қыркүйегіндегі лаңкестік шабуылдан кейін салқындағандай болып, соңғы кезде қайта жылыды.
