Шіркеулерде 331 рет қоңырау соғылса, Владивосток қаласында аза тұтушылар аспанға 331 ақ шарды әуелетті. Аза тұту рәсімі 3 күнге жалғасты. Кеше президент Путин Беслан аналары комитетінен шағын өкілдер тобымен кездесіп, өткен бір жыл ішінде ол лаңкестік шабуылы бойынша атқарылған шаралар жөнінде пікір бөлісті. Аналар комитеті өкілінің айтуынша, В.Путин Беслан терактісі кезінде жіберген өз қатесін, кінәсін мойындапты. Президент бүгін Қауіпсіздік кеңесі мүшелерімен болған мәслихатта Бас прокуратурадан аналар комитеті ұсынған талап-арыз негізінде, Беслан терактісі бойынша түбегейлі зерттеу жүргізуге бұйрық берді.
