БАСРА. Хабарларға қарағанда, Британия әскерлері Ирақтың Басра қаласындағы түрмеден екі британдық сарбазды азат ету үшін танктерді пайдаланған. Ағылшын сарбаздарының танктері түрменің қабырғасын қиратып ішіне басып кіргенінде, қамауда болған 150-ге жуық адам қашып кеткен. Дүйсенбі күні Басрада зұлымдық әрекеттері бұрқ етіп, жергілікті тұрғындар қаладағы ағылшын танктеріне қарай тастар мен жарылғыш заттары бар бөтелкелерді лақтырған, оның салдарынан 4 адам қаза тапқан. Екі Британдық сарбаз Ирақтың полиция қызметкерлеріне оқ жаудырғандары үшін қамауға алынған болатын.
