БАҒДАД. Келесі жылға қарай Ирақ армиясы елдің ішкі қауіпсіздігін өз жауапкершілігіне алуға дайын болуға тиіс. Кеше Ирақтың ішкі істер министрі Баян Жабыр осылай деп мәлімдеді. “Әл-Жазира” телекомпаниясына берген сұхбатында Баян Жабыр көтерілісшілерді қаруын тастап, елдің қауіпсіздік күштеріне келіп қосылуға шақырды. Кеше Бағдадтың солтүстігінде бомба орнатылған автокөліктің жарылысынан кемінде 4 тұрғын мерт болды. Ал Бағдадтың өзінде қарулы кісілер 3 тұрғынды, оның ішінде 1 полицейді атып кетті.
