ДАВОС. Бүгін Швейцарияның Давос қаласында 89 елден келген 2300-дей саясаткер мен кәсіпкердің қатысуымен жыл сайын өтетін Дүниежүзінің экономикалық форумы ашылады. Оның барысында Қытай мен Үндістанның экономикалық жедел дамуы мен осы 2 елдің халықаралық саясаттағы маңызының арта түсуі, Иранның ядролық бағдарламасы, әлемдегі мұнай бағасының қымбаттауы сынды маңызды тақырыптар сөз болмақшы. Давоста Ресей өкілдері Дүниежүзілік сауда ұйымына қабылдану мәселесін талдауды жоспарлап отыр. Форум 4 күн жалғасады.
