Ол бұл мәлімдемесін Мюнхенде ашылған үш күндік қауіпсіздік жөніндегі конференцияда жасап, Грузияның Солтүстік Атлантикалық одақ құрамына енуі екі жаққа да тиімді болады деген. Саакашвилидің сөзіне қарағанда, халқының 80 пайызы НАТО-ға кіруді қолдайды. Мюнхен конференциясының күн тәртібіндегі басты тақырыптардың бірі - Иранның ядролық қару бағдарламасы, терроризммен күрес және НАТО-ның келешегі туралы болып отыр. Мұнда АҚШ және Ресей қорғаныс министрлерінің баяндамасы да тыңдалады.