ВАШИНГТОН. АҚШ пен Ауғанстанның геолог ғалымдары Ауғанстанның солтүстігіндегі 2 бассейннен күткендегіден 18 есе көп мұнай мен 3 есе мол табиғи газдың көздерін тапқандарын мәлімдеді. Олардың хабарлауынша, негізінен ауған-тәжік бассейнінде шамамен 1.6 млрд. баррель мұнайдың және негізінен Амударья өзенінің бойында 15.7 млрд. текше метр табиғи газдың қоры тұнып жатыр. Ассошиэйтед Пресс агенттігі мұнай мен газ қорының осылай бағалануын ауған президенті Х.Қарзайдың “өте қуанышты мәлімет” деп қабылдағанын хабарлайды.
