Украина Жоғары Әкімшілік соты 26 наурызда өткен парламенттік сайлаудың түпкілікті қортындылары екі ресми газетте әзірше жарияланбасын деп ұйғарды кеше. Шағымды парламентке өту үшін ең аз дегенде үш пайыз дауыс жинай алмаған шағын партия түсірген екен. Орталық сайлау комиссиясы сайлау қортындыларын осыдан екі күн бұрын шығарып қойыпты. Бірақ екі негізгі ресми газетте жарияланбайынша сайлау қортындылары күшіне кірмейді.
