Ауған әскерлерінің басшысы бұл шабуылдың жұма күні кешке қарай талибан жасақтары әскерлерге шабуылдаған кезде басталып, бүгін де жалғасып жатқанын айтқан. Соңғы деректерге қарағанда, кемінде 12 адам қаза тапса, олардың 10-шақтысы көтерілісшілер. Кеше сондай-ақ оңтүстіктегі Урузган провинциясында талибан жасақтары ауған-американдық патрульге шабуыл жасап, бір американдық қаза тауып, алты адам жараланған. Соңғы бірнеше күнде Ауғанстанның оңтүстігіндегі қақтығыстар кезінде 100 ден астам талиб өлтіріліп, оншақтысы тұтқынға алынған.
