ТЕҺРАН. Бүгін Иран уранды байыту бағдарламасынан бас тартпайтынын тағы да мәлімдеп отыр. Сыртқы істер министрлігінің өкілі Хамид Риза Азефидің қайталап айтқанындай, Иранның ядролық бағдарламасы төңірегіндегі жанжалды реттеуге бағытталған Еуропа Одағының кез-келген ұсынысы Иранның “барлық құқын ескеруге тиіс”. Еуроодақтың үш елі – Германия, Франция және Ұлы Британия – Иранды уранды байыту бағдарламасынан бас тартуға көндіру үшін оған тиімді ұсыныстарын дайындау үстінде.
