АЛМАТЫ. Белгілі мемлекет қайраткері әрі Қазақстан оппозициясының көрнекті өкілі Алтынбек Сәрсенбайұлын тапсырыспен өлтірген қылмыстық істі қарайтын сот үдерісі келесі аптаға тағайындалып отыр. Алматы облыстық прокуратурасының өкілі Ғабит Мирасовтың хабарлауынша, сот 14-інші маусымда басталады. “Әділетті Қазақстан үшін” оппозициялық бірлестігінің мүшесі әрі оппозициялық “Нағыз “Ақ жол” партиясының тең төрағасының бірі болған Алтынбек Сәрсенбайұлы өзінің 2 серігімен бірге ақпан айында Алматы қаласының түбінде қастандықпен өлтірілген болатын.
